Jane Hart eta bere top 100ari buruzko albistea

Camstudio progamaren nondik norakoak

Bideolanak egiteko primerako programa duzue honako hau. Hona hemen gure irakaslearen azalpenak:

Gonzalo Martin Web TVri buruz hizketan

Abenduaren 14ean Internet bidezko telebistari buruzko mintegi bat izan zen Leioako Gizarte eta Komunikazio zientzien fakultatean, Gorka Palazio irakasleak hintzaldiaren zatitxo bat grabatu zuen eta hona hemen bideoa.

RSS Guneak

Hemen duzue RSS informazioa guneen tutoriala:RSS infojarioak informazio iturri bezala

View more presentations from palazioberri.

Wikileaks aferari buruzko albistea

Nola egin KROMA bat?

Hona hemen gure irakasle Gorka Palazioren azalpenak Kroma bat egiteko. Azalpen garbia eta zehatza ematen digu eta segituan asmatzen da kroma bat nola egin. Ikusi eta saiatu bat egiten!

Ubuntu Tribu

Bideo hau, Ubuntu-ren iragarkia da. Iragarki aparta iruditu zait eta hemen jartzea pentsatu dut. Guk egin genuen bideolanarentzako baliagarriak izango ziren baliabideak eta ideiak emango zizkigun. Ikusi!!!

Telebistako erreportaiak

Telebistan erreportaia mota asko aurki ditzakegu. Hona hemen bi erreportai mota. Erreportai luzea eta erreportai laburra dira jarrain azalduko ditudan erreportai motak. Hobeto ulertzeko hor dituzue bi bideo adibide gisa.

Erreportai luzea

Erreportai luze hau, Berria egunkariari buruzko erreportaia da, baita itxi ziguten Euskaldunon Egunkariari buruzkoa. ETBk eginikoa da beheko adibidea. Ia ordu bete irauten du erreportaiak eta informazio ugari ematen du. Iraupenagatik eta edukiagatik esan daiteke erreportai luzea dela honako hau. Gainera adituen iritziez baliatzen da eta honek sinesgarritasun handiagoa ematen dio erreportaiari eta ikusleentzat bideoa eramangarriago izaten da horrelako iritziekin.

Erreportai laburra
30 segundu eta bi minutu irauten dituen erreportaia izan ohi da. Nahiz eta laburra izian erreportai luzeak adina baliabide erabili ditzake.   Erreportai labur hau ETBk eginikoa da eta FP edo Formakuntza Profesionalari buruzkoa da

Telebista publikoen hipokrisiaz

Artikulu hau gure irakasle Gorka Palazioren blogetik hartu dut. Hementxe uzten dizuet blogerako lotura http://www.palazio.org/

Orain dela gutxi Web TV izeneko mintegia antolatu du EHUko irakasle talde batek ikusentzunezkoen egungo egoeraz eta geroaz gogoeta egiteko. Espainiako telebista publiko batzuetako arduradunek aukera izan dute mintegian beren proiektuak erakusteko eta gogoeta egiteko, baita unibertsitate irakasle zenbaitek ere. Nahiz eta ekoizle txikien ordezkaririk ez nuen ikusi eta hori tamalgarria izan, oro har interesgarria izan zen bertan esan zena, batez ere Lurreko Telebista Digitalaz eta LTDrako egiten diren edukiei buruz. Interneteko IPTBz eta P2P telebistari buruz, aldiz, oso gutxi hitz egin zen. Guztion diruaz kudeatzen diren telebista publikoek ekoizten dituzten edukien lizentzia moten gainean ere hitz bat ere ez, gabezia nabarmena izanik. Azken honen inguruan nik aukerarik ez nuen eduki horixe galdetzeko, hau da, nola antolatuko duten hemendik aurrera EITBn lizentzien kontua. Orain arte, hedabideak aro analogikoan copyrightarekin bizi izan dira eroso eta inolako gogoeta egin gabe. Baina, Interneteko Web 2.0 iraultzarekin premiazkoa bilakatu da galdera horri erantzutea. Domeinu Publikotik Copyright-eraino, Creative Commons lizentzietatik pasatuz, zergatik ez dute lizentzia libreen aldeko politikarik EITBko arduradunek. Ulergarria al da, EITB kontsideratzea enpresa pribatua bailitzan. Herritarrok ezin al dugu eskubiderik ukan gure diruaz EITBk ekoizten dituen edukiak erabiltzeko eta berrerabiltzeko. Telebista Publikoetako baten ahotik atera zen 'enpresa' hitza bere erakunde publikoa izendatzeko. Lapsusa ote? Zilegi al da hainbeste kobratzea EITBk merkaturatzen dituen produktuetan? Ezin da politika aldatu ekoizkin materialetan prezio baxuak jarriz eta lizentzia berriak finkatuz eduki digitalak guztion esku jarriz? EITBko Gurrutxaga jaunak hitz ederrak aipatu zituen EITBko artxiboa agerian argitaratzeko asmoa dutelako, baina horrek suposatuko duen lizentzia aldaketa ez dugu garbi oraindik, aukerak asko direlako. Lan eratorririk egin ahalko dugu EITBko artxiboko fitxategi digitalekin? Repositorioan utziko dituzten fitxategiak betirako utziko dituzte edo hainbat edukirekin egin bezala, berehala kenduko dituzte ekoizpen propiokoak izanik ere? Deskargatu ahalko dira ala ez? Zalantzak asko dira. Espero dezagun artxiboko edukiak ikusteko edota deskargatzeko pasahitza baliatu behar ez izatea. “Público” egunkariak urraturiko bidetik egingo dute erakunde publikoetan, jakitun egonik “Público” enpresa pribatua dela, eta haiek zerbitzu publikoa eman behar dutela; ala ez dute horrela jokatuko?

Bestalde, TV3ko arduradunak argiro azaldu zuen gizartearen gustuekin batera joango direla gauzak eginez, pionero bezala (TV3ren apostua omen) zein kolono bezala telebista kontserbatzaileek egin ohi duten legez. Segidan, hitz horiei buelta emanez, katalanak argiro azaldu zuenez, herritar gehienek Explorer nabigatzailea erabiltzen badute, haiek hori kontutan hartuko dute, royaltydun edo roayltyrik gabeko codec-a erabiltzea bigarren mailako gauza bailitzan. Erantzunak zer pentsa eman zidan. Erakunde Publikoetako arduradunek ez badiote inportantziarik ematen erabaki horri, zergatik esaten dute behin eta berriz estandarren eta Software Librearen alde daudela. Bide okerra, nik uste. Pionero batek, behintzat, ez zukeen hori egingo.

Hori dela-eta, nik galdera zehatza egin nien eta ez zidaten erantzun. Interneteko ikusentzunezkoen aro berrian, hasiko ote dira estandarrak sustatzen ala ez? Zehatz galdetu nien zer codec erabiliko duten Web-eko bideo proiektu berrietan... erantzun zidan bakarra RTVEko Hedabide Interaktiboetako zuzendaria izan zen: H-264 codeca. Erantzun nion hautu hori royaltien aldeko apostua zela eta beste bi codec libre daudela itxaroten HTML 5 espezifikazioan sartzeko. Hortaz, zuzendari edo arduradun batek libreak diren estandarren alde egiten duela esan dezake, baina gero praktikan royaltipeko sistemak, aplikazioak eta codecak onartzen baditu, akabo. Gainera, EITBko arduradunak nahastu egin zituen codec-en afera (hautuarena), Kode Irekiko bideo-egiletza programekin, soberan baitzegoen esatea Libreak diren programen artean ez dagoela gauza onik. Lerro honetatik galdetu gura diot EITBko arduradunari Lightworks, Cinelerra edo Film Gimp programak horren txarrak badira zergatik erabiltzen dituzten “Centurion” bezalako filmak egiteko, edo zergatik hautatzen duen Kode Irekia Dreamworks enpresak edota zergatik erabiltzen diren zinemagintza enpresetan Linux farm-ak eta clusterrak Hollywoodeko pelikularik arrakastatsuenak egiteko. Oraindik ez al daki zein den teknologia aurreratuena zerbitzarietan eta desktopetan nahiz eta makina birtualak erabili? Enpresa publiko edo pribatu batek Final Cut edo Pinnacle programa itxiak erabiltzen dituenez gero, libreak diren programak txarrak direla esatea zilegi ote da? Zergatik ordaindu behar ditu EITBk horrelako kasuetan royaltyak? Horri hipokresia deitzen zaio, baldin eta gero pertsona horrek Software Librearen alde dagoela esaten badu. Eta Wikileaks-ekin gertatu bezala, pentsa dezaket arduradun askok oraindik ez dakitela zer dagoen jokoan Sarean. Hobe lukete begiratzea Extremaduran, Andaluzian edo Aragoin estandarren aldeko urratsa zergatik egin duten, Hitzak alferrekoak baitira gero praxia kontrakoa baldin bada. Diru publikoa erabiliz Adobe eta Microsoft enpresei ordaindu nahi badiete krisi garaian, norbait egon beharko da mundu honetan gogorarazteko arduradun hauei Kode Irekian royaltyrik ez dela ordaintzen eta bideo eta filme onak egiten direla teknologia libre eta neutroa erabiliz. Hipokresia soberan dago.

lINUX gaurkotasunezko erreportaia

Hona hemen Txileko TVN kateak Linux softwareari buruz eginiko gaurkotasunezko erreportaia. Software berri hau bere abantailei esker mundu guztian zehar indar handia hartzen ari dela aipatzen da erreportaia. Baina ikustea gomendatzen dizuet hori hobeto ulertzeko.

  

Linux-en iragarkia
Ondorengo bideo hau, gaurkotasunezko erreportai laburra dugu. Bertan, adibide gisa Linux-en iragarki zati bat erabiltzen dute. Azaldutako hobeto ulertzeko hemen behean duzue adibidea.

SEASONS DOKUMENTALA

Mendi bizikletan aritzen diren txirrindulariei buruzkoa da honako dokumental hau. Izenburuan jartzen duen bezela, badakigu Seasons urtaroak direla, dokumental hau bi urtarotan kokatua dago zehazki; uda eta negua. Nahiz eta bideo honek ez duen ezertxoere esaten, irudiekin eta erritmo aldaketekin nahikoa adierazten duela pentsatzen dut. Plano ikusgarria azaltzen dira. Musika aldetik ere oso ongi konbinatua dago.

Txirrindulari hauen dokumental bat grabatzea ez da oso erraza izango. Bideo honetan sekulako plano ikusgarriak agertzen dira. Plano aldaketak abiadurari dagozkionak...Nik uste dut, planoen konposaketa bikain dagoela eginda. Nire ezjakintasunean, esan beharra daukat, asko gustatu zaidala dokumentalaren trailerra. Irudi ikusgarri asko atearatzen direlako gustatu zaidala uste dut.

Hobeto ulertzeko, ikus ezazue bideoa!!



                             

Mikel Aiestaran berriemailea EHUn

Duela pare bat hilabete Mikel Ayestaran izan genuen EHUko Leioako campusean. Mikel Aiestaran Aierra frreelance bezala lan egiten duen euskal kazetaria da. Freelance izatea, langile autonomoa izatea da, kontraturik gabekoa. Ayestaran Informazio Zientzietan lizentziaduna da Nafarroako Unibertsitatean. Gaur egun, Vocento eta EITB taldeetako komunikabideentzat egiten du lan.

 Munduko txoko guztietan ibili da Ayestaran, baina gehienbat Irak, Iran, Pakistan eta Afganistanen egiten du lan. Bertako albisteak, hauteskundeak eta gerren berri emanez. Azpeitian bizi da kazetaria eta duela gutxi aita izan da. Oso gutxitan ikusten dugu kaletik Ayestaran azpeitiarrok, Azpeitian ezik munduko beste puntetan ibiltzen baita guri informazioa emateko.


                          

Venezuelako enbaxadorea EHUn

Pasa den urriaren 21ean Venezuelako enbaxadoreak, Julian Isaias Rodriguezek, EHUko campusean hiltzaldi bat eman zuen. Zientzietako fakultateko aretoa guztiz bete zen, ez zegoen lekurik berandu iritsi zirenentzako, "La otra historia de la independendia" izenarekin aurkeztu zigun hitzaldia. Klasea nuen eta berandu iritsi nintzen, zutik ikusi eta entzun behar izan nuen. Hitzaldia oso ona eta interesgarria izan zen. Oso ondo azaltzen zituen azaldu beharrekoak. Kolonizazioari buruz mintzatu zen, baita zelan nahi duten Europako kopia bat egin Hego Ameriketan.

Espainiako gobernua eta espainiarren kolonizazioa sutsuki kritikatu zituen. 

Hugo ChavezI BBC telebista kateak egindako elkarrizketa

Hona hemen, Hugo Chavezi eginiko elkarrizketa bikaina. Oso ondo egina dagoela deritzot. Kazetariak galderak bikain egiten dizkio eta Chavezek bere ohiko karismarekin erantzun.

Perurenaren elkarrizketa ikusi ostean hau altxor bat dela esan dezaket.

Manu ikusi eta ikasi!!!



                 

ZAPATAK ETA ARRAUTZAK